السلام عليكم شرح طريقة عمل فستان بنوتة من الكروشية
الخيطان المستعمله قطن نمره 10 كما ذكرت سابقا
والسناره ما بين 1.25 الى 1.3
واذا عملتيها بسناره 1.5 بتكون لغايه 6 اشهر
يعني حجم الفستان بيعتمد على قياس السناره والخيط
كميه الخيطان المستعمله ما بين 4 ونص الى 7 بكرات وزن 50 غم
نبتدي
الغرز المستعمله هي
عمود بلفه
السلسله
منزلقه
وغرزه الصدفه ومعناها اربع غرز في نفس المكان بينهم 2 سلسله
يعني لما اقول غرزه الصدفه فورا بتعرفي انها 2عمود بلفه 2 سلسله 2عممود بلفه بنفس المكان وهي راح نستعملها عند الاركان الربعه في الصدر علشان نوسعه ويسير مربع
نبتدي بالشغل
اولا
اشتغلي 106 سلسله حاولي انها ما تكون مشدوده
اشتغلي 106 سلسله حاولي انها ما تكون مشدوده
السطر الاول
في السلسله الرابعه من عند السناره اشتغلي عمود بلفه واحده
وراح يكون اول 3 سلاسل بمثابه اول عمود في السطر
شرح طريقة عمل فستان بنوتة من الكروشية
واشتغلي في ال15 سلسله التاليه 15 عمود بلفه ومع اول 3 سلاسل حيكون المجموع 16
ثم اشتغلي 2 سلسله
ثم اشتغلي 25 عمود بلفه في ال25 سلسله التاليه
ثم 2 سلسله
وكمان 25 عمود بلفه و2 سلسله
وكمان 25 عمود بلفه و2 سلسله
يعني هذه العمليه كررناها 3 مرات
مفهوم لحد الان
وفي اخر 13 سلسله اعملي 13 عمود بلفه
وهيك راح يكون مجموع كل الاعمده في اول سطر تساوي 104 عمود بلفه
حاولي انك تضبطي عدد الغرز زي التعليمات علشان يكون شغلك مضبوط
وهيك انتهى السطر الاول
ملاحظه
من الجهه الخلفيه يلي الفستان حتكون فيه فتحه الازرار فيه فرق بين الجهتين 3 اعمده لانها راح تيجي وحده فوق التانيه علشان العراوي والازرار
السطر الثاني
ارتفعي 3 سلسله وابرمي الشغل علو الوجه التاني علشان نرجع بالشغل رجوع وحيكون هذا يمين الشغل وحطي خيط ملون عليه علشان تعرفيه او دبوس قفل
بس انا ما حطيت لاني مش حتوه عليه
اشتغلي الاتي عمود بلفه فوق كل عمود من السطر السابق الى ان تصلي ال 2 سلسله من السطر السابق
حتشتغلي فيهم اي ال 2 سلسله من السطر السابق غرزه الصدفه
يعني 2عمود 2 سلسله 2 عمود بنفس المكان من السطر السابق
وكما هو واضح في الصوره
كرري العمل فوق كل عمود بلفه من السطر السابق اعملي عمود بلفه الى ان تصلي الى ال 2 سلسله اشتغلي غرزه الصدفه وهكذا
اشتتغلي حتى نهايه السطر بنفس الطريقه
حيكون عندك مجموع الغرز في هذا السطر هو 120 عمود بلفه
وحتعملي 3 سلسه كبدايه للسطر الثالث وكما هو واضح بالصوره
واشتغليه بنفس الطريقه هو وال
السطر الرابع
والسطر الخامس
اي فوق كل عمود من السطر السابق عمود ولما توصلي الى ال 2 سلسله تعملي غرزه الصدفه
وفي نهايه السطر الخامس حيكون عندك مجموع الاعمده بلفه واحده يساوي 168 عمود
السطر السادس راح نعمله علشان ندخل فيه الشرايط بعدين
اشتغلي التالي
اطلعي 3 سلسله كبدايه للسطر زائد 1 سلسله يعني المجموع 4 سلاسل
وابرمي الشغل على الوجه التاني
اتركي العمود التالي من السطر السابق واشتغلي عمود فوق يلي بعده ثم 1 سلسله اتركي عمود من السطر السابق واشتغلي عمود فوق يلي وراه ثم 1 سلسله حتى تصلي
الى ال2 سلسله من السطر السابق يعني الزاويه وحتشتغلي فيها غرزه الصدفه يلي حكينا عنها
يعني 2 عمود بلفه 2 سلسله 2 عمود بلفه بنفس المكان
وكما هو واضح بالصوره
استمري بالشغل حتى نهايه السطر
يعني حنشتغل عمود سلسله عمود سلسله وهكذا وعند الاركان غرزه الصدفه
وهيك راح يكون عندنا مجموع الغرز في السطر السادس 103 عمود بلفه
لـ حفظ الموضوع والإستفاده منه إستخدمى هذا الرابط :
مدونة حكمات|HUKMAT مدونة تهتم بالمجال المعلوميات و خصوصا المواقع و المدونات ،ثم إنشاء المدونة من اجل تبادل الأفكار و المعلومات بين المدونين و تطوير مهاراتهم ، و ايضا تحسين خبراتهم في مجال الربح .
محول الاكواد محول الأكواد اضافة الإبتسمات اضافة الإبتسمات